Шығыс Қазақстан облысының жалпы білім беретін оқу орындарының оқушылары арасында өтетін XІ республикалық Абай оқуларының облыстық кезеңінің қорытындысы туралы

2010 жылы 04 маусымда Шығыс Қазақстан облыстық білім басқармасының жұмыс жоспарына сәйкес өңірлік ғылыми-практикалық «Дарын» орталығы Шығыс Қазақстан облысының жалпы білім беретін оқу орындарының оқушылары арасында XІ республикалық Абай оқуларының облыстық кезеңін өткізді.

Абай оқулары дәстүрлі түрде үш бөлім бойынша өткізілді.

«Өлең – сөздің патшасы, сөз сарасы» - Абай мен Шәкәрім шығармаларын жатқа оқу конкурсы. Қатысушы өзі жатқа білетін шығармалардың тізімін конкурс басталғанға дейін өткізуі қажет (ұлылардың шығармаларын көбірек жатқа білетін оқушыға жоғары баға қойылады).
«Көңілім әнді ұғады» - Абай мен Шәкәрімнің әндері мен күйлерін орындау конкурсы.
«Жүйріктен жүйрік озар жарысқанда» - жас дарындар конкурсы (өз шығармаларын орындау: өлеңдер, әндер, күйлер).
ХІ облыстық Абай оқуларына әр ауданнан (қаладан), облыстық білім мекемесінен оқыту тіліне қарамастан облыстық кезеңге жолдама алған оқушылар қатысты. Барлығы 57 дарынды оқушы сайысқа түсті.

ХІ облыстық Абай оқуларына қатысушыларды бағалайтын қазылар алқасының құрамында:
- п.ғ.д., С.Аманжолов атындағы ШҚМУ-дың профессоры, қазақ тілі мен әдебиеті кафедрасының оқытушысы  Шынар Қапантайқызы Құрманбаева;
- п.ғ.к., Д.Серікбаев атындағы ШҚМТУ-дың қазақ, орыс тілдері және іс қағаздар кафедрасының аға оқытушысы  Зәуре Советқызы Советова;
-  ШҚ ӨҒП «Дарын» орталығының әдіскері Бейбітгүл Базанқызы Оспанова;
- ақын, «Алтын қалам иесі» жүлдегері, Қазақстан Жазушылар одағының мүшесі, «Өскемен» газетінің бас редакторының орынбасары Рахметолла Түсіпбекұлы Смағулов;
- ШҚ облыстық тілдерді дамыту жөніндегі басқармасының ономастикалық жұмыс және талдау бөлімінің бастығы Роза Әшімқызы Төлемісова;
- профессор, ҚР еңбек сіңірген әртісі Кенжеғали Мыржықбай.
- Шығыс Қазақстан өнер колледжінің қазақ халық аспаптар бөлімінің меңгерушісі Рысханов Шалқар Рысханұлы қазылық етті.

ХІ облыстық Абай оқуларының салтанатты ашылуы Өскемен қаласындағы Республика алаңында
Абай ескерткішінің басында өтті. Қатысушыларға арнап ШҚО әкімінің орынбасары Т.Т.Түсіпбеков, құрметті академик, КСРО мемлекеттік сыйлығының лауреаты, ҚР еңбек сіңірген ұстазы Қ.Р.Бітібаева сөз сөйледі. Қонақтар мен қатысушыларға арнап профессор, ҚР еңбек сіңірген әртісі Кенжеғали Мыржықбай ән шырқады. Қатысушылар мен қонақтар Абай ескерткішіне гүл шоқтарын қойды, өз шығармаларын арнап оқыды.  

Конкурс қорытындысы
1 бөлім: «Өлең - сөздің патшасы, сөз сарасы»

Жеңімпаздар дипломдармен, номинациялар бойынша грамоталармен, сыйлықтармен, облыстық тілдерді дамыту жөніндегі басқармасының арнайы сыйлығымен, грамоталарымен марапатталады. Әр номинация бойынша бірінші орынды иеленген оқушылар 2010 жылдың 07-10 қыркүйек күндері Абай ауданы Қарауыл ауылында өтетін ХІ республикалық Абай оқуларына жолдама алды.